Glampio yn y Chwarel

Croeso i Foeth-wersylla Mynydd Llechi - mae ein safle moeth-wersylla antur yn cynnig lleoliad hardd mewn tirwedd glogyrnog sy’n gyforiog o olygfeydd bendigedig a threftadaeth ddiwydiannol eithriadol.

Rydym yn falch o gyhoeddi bod ein safle moeth-wersylla wedi ennill gwobr Seren Aur oddi wrth Ymweld â Chymru – dim ond un o bump o’r math hwn yng Nghymru!

Mae gan y chwe chaban le i bedwar neu bump o bobl gysgu ynddynt ac maent yn addas i deuluoedd neu grwpiau bychain o gyfeillion.  Gan fod yn gyrchfan i ymwelwyr anturiaethus sy’n chwilio am rywle moethus i aros, mae ein cabanau saffari moethus wedi’u lleoli ar lechwedd serth, syfrdanol sy’n edrych dros weundir, dyffrynnoedd a chwareli hanesyddol Blaenau Ffestiniog. 

Mae’r cabanau hyn yn union wrth graidd atyniad mwyaf atyniadol Gogledd Cymru i dwristiaid – yn gyfleus ar gyfer Antur Mynydd Llechi, Mwynglawdd Dwfn Llechwedd, Byd Weiran Wib ac Antur Stiniog.

Lle i Fwyta

Mae ein caffi eang yn cynnig brecwast ardderchog o fwyd Cymreig wedi’i goginio, ac amrywiaeth o ddewisiadau eraill.  O amser cinio ymlaen, fe fydd ein staff rhagorol yn coginio pitsas cartref, blasus gyda chynhwysion lleol, ochr yn ochr â’n gridyll awyr agored.  Mae pitsas a byrbrydau ar gael o’n caffi Emporiwm.
A oes gennych ffansi diod adfywiol ar ôl diwrnod caled yn anturio o amgylch Gogledd Cymru?  Mae ein Tafarn y Chwarelwr yn agored yn ddyddiol, gan weini’r goreuon mewn cwrw, seidrau a gwirodydd lleol.

Prisiau  

Mae prisiau’n dechrau o £120 y caban, y noswaith ar gyfer 2019 – defnyddiwch y teclyn ar y dudalen hon i ganfod eich union brisiau ac argaeledd.
Mae opsiynau’r cabanau wedi’u ffitio â waliau pren wedi’u hinsiwleiddio er mwyn eich diogelu rhag yr elfennau.  Ac o ran y tu mewn?  Mae arnom eisiau ichi brofi holl foethusrwydd eich cartref - o loriau pren solet, gwelyau cyfforddus a chroesawgar, i gawodydd a thoiledau sy’n llifolchi.  Mae yna hyd yn oed leoedd i wefru’ch ffonau, gliniaduron a Go-Pros, a llosgydd pren cysurus.